अहेरी : तालुक्यातील पेरमिली येथील रहिवाशी सुरेश वनपाकलवार त्यांची पत्नी प्रमिला वनपाकलवार यांनी काही कामानिमित्त दुचाकीने कसमसूरला जात असतांना दुचाकीचे नियंत्रण सुटल्याने दुचाकी खाली पडून अपघात घडल्याने या अपघातामध्ये सुरेश वनपाकलवार यांच्या पायाला गंभीर दुखापत झाली होती.
अपघातग्रस्त वनपाकलवार यांची घरची आर्थिक परिस्थिती अंत्यत हलाखीची असल्याने त्यांना खाजगी दवाखान्यात जाऊन उपचार घेण्यासाठी अडचण भासत होती.
आविसं,काँग्रेस अहेरी विधानसभा क्षेत्रचे समन्वयक व माजी जि.प.अध्यक्ष तथा अहेरी बाजार समितीचे संचालक अजय कंकडालवार हे काल चौडमपल्ली ( पेरमिली )दौऱ्यावर होते.दौरा दरम्यान येथील काँग्रेसचे स्थानिक कार्यकर्त्यांनी सदर अपघाता विषयी अजय कंकडालवार यांचा कानावर टाकल्याने काँग्रेस नेते अजय कंकडालवार व हनमंतु मडावी यांनी सुरेश वनपाकलवार यांच्या घरी भेट देऊन दुचाकी अपघाता विषयी माहिती जाणून घेतले.दरम्यान वनपाकलवार घरची परिस्थिती गरिबीचे असल्याचे दिसून आल्याने त्यांना पुढील वैधकीय औषध उपचारासाठी अजय कंकडालवार यांनी आपल्या परीने आर्थिक मदत करून मदतीचे हात दिले.यावेळी कंकडालवार यांचे प्रति अपघातग्रस्त कुटुंबियांनी समाधान व्यक्त करून त्यांचे आभार मानले.
अपघातग्रस्त कुटुंबाला मदती दरम्यान पेरमिली ग्रामपंचायतचे माजी सरपंच प्रमोद आत्राम,उपसरपंच साजन गावडे,मरपल्ली ग्रामपंचायतचे माजी उपसरपंच कार्तिक तोगम,अहेरी नगरपंचायतचे नगरसेवक प्रशांत गोडसेलवारसह काँग्रेसचे स्थानिक पदाधिकारी व कार्यकर्ते उपस्थित होते.
